Quen son


-----------------------Realizada por ´´Jorge M. de la Calle Xornalismo e Fotografía``--------------------
-----------------------Realizada por ´´Jorge M. de la Calle Xornalismo e Fotografía``--------------------

Chámome César Mouriño e coñéceseme artisticamente como Mouro R.G. 

Nacín en decembro do 1993, cunha infancia e adolescencia vivida na localidade de Vilavidal, no concello de Ramirás. Será durante a ESO cando comece a desenvolver interese e inquietude pola cultura Hip-Hop, en concreto o rap, e será no bacharelato, cando tome conciencia política e a partir dela, inquietude artística. Referente á miña traxectoria como gaiteiro, esta traxectoria naceu e segue ligada a Ramirás, dende os 7 anos, pois vivo plenamente a crise da Banda de Gaitas de Ramirás e a súa progresiva reciclaxe, dando lugar á Escola de Baile e Música tradicional Rebulir, a cal abandono en setembro do 2017.

Aos 17 anos, producirase un punto de inflexión na miña vida: o paso a residir en Ourense.

Será en Ourense onde decido continuar os meus estudos, en concreto o Grao en Educación Social, que aínda sigo estudando agora. É na época universitaria cando comezo a deixar activamente a miña pegada en tódalas miñas facetas e a establecer contactos con varias figuras de Ourense, do ámbito da cultura Hip Hop, os movementos estudantís, a poesía, etc.

Actualmente entre as miñas ocupacións están: os meus estudos universitarios, a formación e a investigación como gaiteiro, o traballo no meu estudo de gravación,  varias publicacións en distintos medios, e por suposto a miña actividade na loita estudantil e obreira.